Tystysgrif Ôl-radd Mewn Rheolaeth Llwyfan

Bwriad y cwrs yw:

meithrin Rheolwyr Llwyfan effeithiol a phroffesiynol;
gosod sylfaeni ymarferol ac academaidd cadarn mewn Rheolaeth Llwyfan;
galluogi myfyrwyr i ymgymryd ag astudiaeth uwch ym maes Rheolaeth Llwyfan
Datblygu sgiliau trosglwyddadwy myfyrwyr ym maes ymchwil, dehongli a gwerthuso beirniadol.

Cyfle i weithio ar amrywiaeth eang o gynyrchiadau dan gyfarwyddwyr gwadd profiadol
Cyfle i fanteisio ar gyswllt agos yr Ysgol â chwmni Y Theatr Genedlaethol
Gweithdai gyda arbenigwyr ym meysydd technegol theatr
Cyfle i weithio gyda chwmnïoedd proffesiynol cydnabyddedig
Cyfle i weithio o fewn hinsawdd cadarnhaol sy’n annog myfyrwyr i ymchwilio ac arbrofi wrth ddatblygu sgiliau o fewn eu meysydd arbenigol

Mae’r rhaglen yn anelu at:

roi i fyfyrwyr ymwybyddiaeth feirniadol integredig o Reolaeth Llwyfan, a’u cynorthwyo i fod yn Rheolwyr Llwyfan effeithiol;
roi i fyfyrwyr sylfaen ymarferol gadarn mewn Rheolaeth Llwyfan fel y datblygodd yng Nghymru a’r Deyrnas Unedig;
roi i fyfyrwyr sylfaen academaidd gadarn mewn Rheolaeth Llwyfan fel y datblygodd yng Nghymru a’r Deyrnas Unedig;
alluogi myfyrwyr i ymgymryd ag astudiaeth uwch ym maes Rheolaeth Llwyfan a’r cyd-destun allanol cyfnewidiol y mae Rheolwyr Llwyfan yn gweithredu ynddo;
gynefino myfyrwyr â’r prif destunau sy’n sylfaen i lawer o theori ac ymarfer Rheolaeth Llwyfan;
wella sgiliau trosglwyddadwy myfyrwyr ym maes ymchwil, dehongli a gwerthuso beirniadol;
ddatblygu sgiliau deallusol myfyrwyr, gan gynnwys rhesymu beirniadol, dadansoddi, creadigrwydd a myfyrdod.

Erbyn diwedd y rhaglen, dylai myfyrwyr fedru:

arddangos gwybodaeth berthnasol a dealltwriaeth o Reolaeth Llwyfan, y cyd-destun theatraidd y mae Rheolwyr Llwyfan yn gweithredu ac yn cael eu rheoli ynddo;
arddangos ymwybyddiaeth feirniadol o’r prif themâu, ymarfer a’r dulliau sy’n berthnasol i’r ddisgyblaeth a, lle bo hynny’n briodol, i ddisgyblaethau perthynol;
grynhoi, cyflwyno, a dehongli amrywiaeth o ffynonellau gwreiddiol ac eilaidd, gan gynnwys deunydd o wahanol ddisgyblaethau;
arddangos amrywiaeth briodol o sgiliau gwybyddol a beirniadol, sgiliau ymchwilio a sgiliau personol a rhyngbersonol perthnasol.

Caniatâ’r medrau gwybyddol a gysylltir â’r rhaglen hon fyfyrwyr i:

ddatblygu’r gallu i gyfosod gwybodaeth ac i ddehongli a dadansoddi’n feirniadol destunau o ffynonellau amrywiol;
ddatblygu’r gallu i ddadansoddi’n feirniadol ac i gwestiynu cysyniadau, dadleuon a damcaniaethau y byddant yn dod ar eu traws yn y cwrs;
lunio a datblygu syniadau ymchwil a fydd yn cyfrannu at gorff y wybodaeth ar Rheolaeth Llwyfan;
gyfarwyddo a rheoli eu dysgu eu hunain a’u datblygiad proffesiynol cyfredol;
ddangos ymwybyddiaeth feirniadol o’u hymatebion personol i Reolaeth Llwyfan a bod yn barod i dderbyn egwyddorion a dealltwriaethau newydd.

Galluoga’r medrau proffesiynol/galwedigaethol a gysylltir â’r rhaglen hon fyfyrwyr i:

gwrdd â’r sialensiau y mae Rheolwyr Llwyfan cyfoes yn eu hwynebu;
gymryd rhan ragweithiol mewn trafodaethau a phrosiectau sy’n berthnasol i’r proffesiwn;
arddangos y gallu i adalw, dadansoddi a dethol gwybodaeth o ffynonellau amrywiol;
ddadansoddi a dehongli data gwreiddiol ac eilaidd;
arddangos hyfedredd wrth ddefnyddio TGCh yn effeithiol wrth gyflwyno a chyfathrebu;
gynllunio ac ymgymryd â phrosiectau ymchwil graddfa fechan.

Galluoga’r medrau allweddol a gysylltir â’r rhaglen hon fyfyrwyr i:

gyfathrebu gwybodaeth, syniadau, egwyddorion a damcaniaethau drwy ddulliau llafar a gweledol priodol;
adnabod, cywain a thrafod data gwreiddiol a deunydd gwreiddiol, boed hynny drwy astudiaethau testunol neu waith maes;
reoli amser, gweithio i derfynau amser, a blaenoriaethu;
roi sylw i a myfyrio ar syniadau a dadleuon unigolion eraill;
weithio ar y cyd fel aelod o dîm neu grŵp;
ymgymryd ag astudio annibynnol (gan gynnwys rheoli amser) a myfyrio ar gryfderau a gwendidau'r hunan fel myfyriwr;
ddefnyddio adnoddau’r llyfrgell er mwyn canfod deunydd gwreiddiol, casglu llyfryddiaethau, cyfarwyddo ymchwil a chyfoethogi cyflwyniadau;
ddefnyddio TG a sgiliau cyfrifiadurol i gasglu data, canfod deunydd gwreiddiol a chefnogi cyflwyniadau ymchwil.

Gradd dda (yn ddelfrydol mewn perthnasol) neu brofiad ymarferol perthnasol

Ystyrir pob cais unigol yn ôl ei haeddiant